منتديآت المشآغبين
السلآم عليكم
عزيزنآ الزآئر يرجى التشرف بالدخول للمنتدى أن لم تكن عضو أو التسجيل أن لم تكن عضو وتريد الأنضمآم الي أسرة المنتدى
وشكرآ
أدآرة المنتدى
منتديآت المشآغبين
السلآم عليكم
عزيزنآ الزآئر يرجى التشرف بالدخول للمنتدى أن لم تكن عضو أو التسجيل أن لم تكن عضو وتريد الأنضمآم الي أسرة المنتدى
وشكرآ
أدآرة المنتدى
منتديآت المشآغبين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديآت المشآغبين


 
الرئيسيةالبوابةأحدث الصورالتسجيلدخول

 

 .. خطبة ابو صالح .. خخخخخخ .. ^^

اذهب الى الأسفل 
2 مشترك
كاتب الموضوعرسالة
SтяαИgε DαωИ
نآئبة المديرهـ العآمة
نآئبة المديرهـ العآمة
SтяαИgε DαωИ


عدد المساهمات : 175
تاريخ التسجيل : 17/09/2009
العمر : 28
الموقع : K.S.A

.. خطبة ابو صالح .. خخخخخخ .. ^^ Empty
مُساهمةموضوع: .. خطبة ابو صالح .. خخخخخخ .. ^^   .. خطبة ابو صالح .. خخخخخخ .. ^^ Icon_minitimeالسبت سبتمبر 26, 2009 7:05 pm

سلام عليكم والرحمهـ ..!
كيف حالكم داريهـ بخير هع
لله الموضوع احترت فين احطهـ بالقصص والا الصرقعهـ.

قلت بما انها قصصه في الاصل راح احطها هنــاا

________

كان فيه شاب من اهل القصيم ساكن هو وامه فقط في بيت واحد لأن ابوه كان متوفي



وكانو مبسوطيين وعايشين بكل سعادة وخير مع شح وفقر ذاك الزمان



المهم امه العجوز شبت عليه وقالت له ياوليدي ورى ماتعرس



ودي تزوج علشان اشوف عيالك قبل ما اموت



وهو يقول بسم الله عليك عقب عمرن طوييل يوووه



المهم الحت عليه وهو وافق



وخطبت له امه هاك البنيه اللي كلها ملح



الولد عقب العرس .. ماينلام استانس بحريمته وتوافق هو وياااه الحمدلله



كل يحب الثاني ويوده



لكن المشكله عاد ب( المامي) تقل تضايقت شوي من الوضع(نغرت)



وهذي فطره عند اغلب الحرييم الكباار خاصة مع عيالهم



---->>غصبن عليها



بدت إذا جاء الولد عقب الظهر داايخ



من الشغل وده يتغدا وينام قبل يأذن العصر



وأول مايصك باب الغرفه هو والمره إلاّ والوالده رانعتن عليهم الباب



( تنكيد يعني) قومو صللو يالله



وان كان هو ما أذن تطق وتقول قومو تولمو توضو قبل الأذاان..



ورزح هالباب ماتواطنهم بالغرفه تنهبل



والولد ماغير ( يقول إنا لله وانا اليه راجعون ) وش جاه أمي



وتطوور الوضع بدت العجيّز



إذا منّهم نامو بالليل وأوّل مايتواسوون تطق الباب قومو تسننو صلّو صلاة الليل..



قومو أوترو.. قومو وقومو..وماغير تهجدهم وترجدهم بالليل والنهار



المهم الولد تضايق بالحيل تنكّدت عيشته مايدري وش يسوي



الوالده صارت قشرا ماتعبّرهم داخلين بالغرفه تنهبل على طول ..



مرّه الولد كان عند رفيقن له يقالّه ابوصالح (معرووف بالعياااره)



كان يتقهوى ومع السواليف قص عليه السّالفه حقّته مع أمه وشكى على رفيقه ابوصالح حاله



قال ابوصالح أنا اعرف علاج أمّك زيين بس تطاوعن؟؟



قال الولد تكفى اللي تبي



بس فكّنا ياشيخ



قال أجل ابقولك :نبي نسوّي خطّه أنا وأنت



بس لازم تطبقها تمام وإلا ترى تبي تخرب عليك



قال الولد .. تكفى قللي



المهم قاله الطريقه واتفقو



يوم صار من باكر عقب العصر



جاء ابوصالح لبيت الولد وطق عليه الباب



طق طق طق



ابو فلان ابو فلان وبدا يصوّت ابوفلان



(كانت بيوت الأولين صغار بالحيل وهدوء



لدرجة ان اللي بالبيت يسمع كلام اللي بالشارع والعكس)



المهم طلع الولد قال



ياهلاااااا ابو صالح يالله حيه



ادخل اقلط تقهو



قال ابوصالح



لاوالله يابوفلان أنا عجل بس جيت ابي منك طلب وابمشي



(طبعا رافعيين اصوااتهم علشان تسمع العجيّز-



وهي ماقصّرت جادعتن إذنه تبي تدري وش يبي ابوصالح بولده)



قال الولد ادخل يارجال واطلب اللّي تبي



اللّي تبي بس تقهو



قال ابوصالح ..اللّي ابي؟؟



ماتردّن



قال الولد : والله ما أردّك لو تبي كل بيتي ومابه بس ادخل ..



إلاّ شي واحد ماأعطيكياااه



قال ابو صالح وشّو؟؟ هالشي؟؟



قال الولد : لاتجي بس تبي تخطب أمي؟؟



ترى هذي اسمحلي ما أقدر أطلب كل شي إلاّ هذي ..



قال ابوصالح وراااه؟؟



قال الولد : الله يعظّم أجره أميمتي



تقوّمنا لصلات العصر قبل يأذّن وتقومنا نتسنن بالليل ..



وتقومنا نووتر قبل الفجر .. وتقومنا للفجر حريصتن علينا



والله مااأفّلبه ابد الله يخلّيها لنا ان شاء الله



قال ابوصالح : والله الصّراحه أنا جاين أخطب الوالده أجل



قاال الولد لااااا ياخووي



أجل طس لاتقهوى ولاشي مع السلامه .. والوالده مهيب معرسه



( كل هالكلااااام والعجيّز تسمع !! ومنهبله)



راح ابوصالح والولد صك الباب



دخل الولد وإلا الوالده بوجهه قالت منهو ذااا؟؟



وش يبي؟؟؟



قال ياميمتي هذا خبل سايح وطلب منّي طلب وطردته ( مابقا إلاّ هي بعد)



اسكتت وهي منقهره تبي تنفجر



وجاء الليل ونامو ولاقامو إلاّ الضحى



وجاء الظهر ونامو وماطق عليهم أحد



والعصر جاء الولد لأمه



قال ياميمتي سلامااات؟؟



ماقوّمتينا لصلات الفجر ولا العصر



عسى مااااشر يووه؟؟



قاالت العجييز : قومو أنتم عسااكم للكسل ميير خلاااص انا منب دايمتن لكم



خخخخخخخخخ



وبدت ماتطق عليهم وافتكّو من شرّه



وهي على رجاء خطبه ابوصالح
rabbit rabbit
الرجوع الى أعلى الصفحة اذهب الى الأسفل
http://www.moshaghebeen-4ever.yoo7.com
shyooo5
مشآغب/هـ نشيط/هـ
مشآغب/هـ نشيط/هـ
shyooo5


عدد المساهمات : 65
تاريخ التسجيل : 16/09/2009
الموقع : موقعي

.. خطبة ابو صالح .. خخخخخخ .. ^^ Empty
مُساهمةموضوع: رد: .. خطبة ابو صالح .. خخخخخخ .. ^^   .. خطبة ابو صالح .. خخخخخخ .. ^^ Icon_minitimeالإثنين سبتمبر 28, 2009 7:45 pm

حلوه لوووول تسلمون بس ممكن تحطون قسم حق الاكسسوارت
الرجوع الى أعلى الصفحة اذهب الى الأسفل
SтяαИgε DαωИ
نآئبة المديرهـ العآمة
نآئبة المديرهـ العآمة
SтяαИgε DαωИ


عدد المساهمات : 175
تاريخ التسجيل : 17/09/2009
العمر : 28
الموقع : K.S.A

.. خطبة ابو صالح .. خخخخخخ .. ^^ Empty
مُساهمةموضوع: رد: .. خطبة ابو صالح .. خخخخخخ .. ^^   .. خطبة ابو صالح .. خخخخخخ .. ^^ Icon_minitimeالإثنين سبتمبر 28, 2009 8:38 pm

انشاءالله احاول
الرجوع الى أعلى الصفحة اذهب الى الأسفل
http://www.moshaghebeen-4ever.yoo7.com
 
.. خطبة ابو صالح .. خخخخخخ .. ^^
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديآت المشآغبين :: المنتديات الأدبية :: منتدى القصص والروايات-
انتقل الى: